Baunalíf!

Allt er þegar femmt er!

2010-01-07T04:12:00.000-08:00

Núna hefst undirbúningur fyrir fimmta flutninginn á jafnmörgum árum og er vonandi sá seinasti í þó nokkuð mörg ár. Við höfum fengið til leigu raðhús á Gálgabakka í Albertslundi og flytjum þann 17. jan. Slotið er 4 herbergja, 87 fm og með garði:) þannig að börnin komast á beit. Var að lesa húsreglurnar og ég má hafa hænsni og endur, hí hí. Það besta við þetta er að ég get gefið börnunum mínum "íslenskt" frelsi.
Þarf ekki að hafa áhyggjur að þeir lendi undir bíl eða þaðanaf verra þegar þeir fara út. Svo borðar allt hverfið saman einu sinni í viku, það er smá hippafílingur yfir þessu.
Jóhannes risi stækkar óðum og er kominn í hálfsárs fötin þriggja mánaða. Nokkuð gott hjá mínum. Svo er von á gestum aldrei þessu vant, Erna, Ósk og dætur koma til mín í lok mánaðar og svo kemur Guðmunda vinkona í mars. Gaman að geta boðið gestum upp á sérherbergi:)

Korter í jól!

2009-12-23T12:14:00.000-08:00

Alt på plads eins og maður segir á góðri dönsku,svínið, konfektið og rauðkálið komið í hús. Ísskápurinn stútfullur af rjóma og hangikjöti sem á eftir að valda háum blóðþrýstingi og auknu kólesteróli langt fram á næsta ár. Akkuru ætli jólin snúist svona mikið um mat?
Ótrúlegt að það sé að koma 2010,djöfull er maður orðinn gamall:).

Þyngdaraukning

2009-12-15T02:52:00.000-08:00

Ekki mín samt,sem er þó talsverð. Ofurhjúkkan Bodil kom í heimsókn í morgun til að mæla og vigta Jóhannes. Jóhannes fékk toppeinkunn og er 6.5 kíló og 62 cm,náttúrulega ekki við öðru að búast þegar um svona úrvalsgen er að ræða.
Hún Bodil mín er að hætta að vinna og fer á eftirlaun eftir áramót. Ég sé mikið eftir henni, hún fylgdi mér með með Leó líka. Í Danmörku koma hjúkkur heim til manns 7 sinnum fyrsta eina og hálfa árið í ungbarnaeftirlit, algjör lúxus.
Ég ætla að skella í eitt rúgbrauð eða svo.
sayonara

jólajóla!

2009-12-14T05:06:00.000-08:00

Við fundum þetta íðilfagra jólatré í gær hjá jólatrébóndanum. Ég fékk þetta ágæta flashback frá því þegar ég seldi jólatré fyrir hjálparsveitina, ég elska lyktina af greni. Bóndinn var með ýmislegt annað á boðstólum ,asnareiðtúra fyrir börnin, vöfflur og heitt kakó, snaps með jólatrébragði og síðast en ekki síst heitan bjór með rjóma. Hljómar ógeðslega,lagði ekki í að smakka. Danir eru dáldið skrýtnir stundum.
Svo bökuðum við Leó piparkökur af miklum móð og skárum út jólatré og engla og ég veit ekki hvað. Eitthvað klikkaði deigið hjá mér því að þetta rann allt saman í ofninum og varð að einni stórri piparköku en það er nú bragðið sem skiptir máli!
Olla,Stulli og Jóhanna komu í mat og svo var jólatréð skreytt frá toppi til táar.
Jólaandinn er sko mættur hér á bæ:)

Im back!

2009-12-11T13:08:00.000-08:00

Ég verð víst að fara að dusta rykið af þessu bloggi mínu, ég hef tendens til að taka langar bloggpásur þegar ég er ólétt og í fæðingarorlofi. Líklega af því að þá hef ég ekki frá svo miklu að segja sem hefur ekki með börnin mín að gera. Og ég man mjög vel eftir því hvað mér fannst annað fólk leiðinlegt sem talaði bara um börnin sín út í eitt(nota bene þá var þetta áður ég byrjaði á barneignum, núna skil ég það alveg:) En það les enginn þetta blogg lengur nema ömmurnar og Linda vinkona og ömmurnar eru alltaf til í fréttir af barnabörnunum(og Linda les bloggið mitt alveg sama hvað ég skrifa um, er það ekki!:)
Hér er allt í gúddí og það er kominn talsverður jólafílingur,Leó fékk í skóinn í fyrsta skipti ímorgun og þótti það mjög gaman. Hann fékk mandarínu,rúsínur og hnetur,og þótti mjög sniðugt að fá "breakfast in bed". Síðan er stefnt á piparkökubakstur á morgun og svo ætlum við að höggva niður jólatréð á sunnudaginn,svo verður skreytt um kvöldið. Minn heittelskaði er búinn að vera með magakveisu alla vikuna og er orðinn vel þreyttur á þessu.
Ég sá myndina Twilight um daginn og varð bara að gefa mér bækurnar í jólagjöf frá mér til mín. Ég fékk algjöra þráhyggju og kláraði 4 bækur á 3 dögum sem er nokkuð gott miðað við að ég gat bara lesið meðan drengirnir sváfu. Ég las svo hratt að ég fékk illt í augun,langt síðan ég tók svona rispu með að lesa. Ég mæli með þessum bókum, það er eitthvað við þær, maður verður bara að vita hvernig þetta endar og getur ekki hætt fyrr. En ég hef líka alltaf verið "sucker" fyrir góðum vampírubókmenntum.

2009-12-04T10:47:00.001-08:00

2009-12-04T10:47:00.000-08:00

2009-12-04T10:46:00.001-08:00

jólabræður

2009-12-04T10:46:00.000-08:00

Afmælisbarnið hugsar namm namm!

2009-11-28T05:01:00.000-08:00

Ha ég!

2009-11-28T04:59:00.001-08:00

híhí!

2009-11-28T04:59:00.000-08:00

sætur!

2009-11-28T04:58:00.000-08:00

Með hatt á hausnum!

2009-11-28T04:57:00.000-08:00

Stóri og litli bróðir

2009-10-10T11:20:00.000-07:00

Jóhannes Míó

2009-10-10T11:19:00.000-07:00

Ísmaðurinn!

2009-08-31T04:36:00.000-07:00

sáttur með traktorinn!

2009-08-31T04:35:00.000-07:00

út í skóg að leika!

2009-08-31T04:34:00.000-07:00

nammi,namm

2009-08-31T04:33:00.000-07:00

1/4 af matjurtagarðinum

2009-05-07T04:10:00.000-07:00

Leó mús ældi í alla nótt, virðist vera að braggast núna reyndar. Þannig að við erum heima í dag. Danska sumarið hvarf um helgina og hefur ekki látið sjá sig síðan. Ég tapaði mér í gróðrarstöð í gær og keypti kryddjurtir í stórum stíl. Grænu puttarnir komu útúr skápnum eftir allt saman. Ég setti út á svalir í gær rósmarín, steinselju, salvíu, timian, myntu, sítrusjurt,rucola,graslauk og kínagraslauk. Ég nennti ekki að kaupa blóm, það þarf að vera hægt að éta þetta!

Hinir hvítu klettar á Mön

2009-05-07T03:41:00.000-07:00

Leó í fjallgöngu

2009-05-07T03:40:00.000-07:00

ævintýraskógur

2009-05-07T03:38:00.000-07:00

Skógartúr

2009-05-07T03:31:00.000-07:00

anniversaire!

2009-05-04T23:02:00.000-07:00

Við hjónakornin eigum 4 ára brúðkaupsafmæli í dag og það er hvorki meira né minna en ávaxta og blómabrúðkaup. Og nota bene við mundum eftir því í dag eða þar að segja minn heittelskaði mundi það. Okkur hefur tekist að gleyma því síðastliðin 2 ár.
Við fjölskyldan skruppum til Mön um helgina í dagstúr og innblásturinn var svo mikill að við ákváðum að leggjast í útilegur í sumar. Þannig að nú þarf að fara að redda sér græjum. Verknámið gengur ágætlega en er mikið meira krefjandi en ég var búin að búast við. Áður en ég byrjaði þá var ég með firru í hausnum að ég gæti chillað í verknáminu ,komið heim úthvíld og lært lífeðlisfræði á kvöldin vegna þess að ég væri svo hress. Ekki alveg!! Sem betur fer klárast verknámið í næstu viku.

hvítlaukur!

2009-04-25T11:45:00.000-07:00

Byrjaði í verknámi í vikunni so no more school í heilan mánuð,sjálfsögðu verkefni en ekki heimavinna. Ég var mjög heppin og komst í verknám bara við hliðina á þar sem ég bý. Þetta er heimili fyrir unglinga frá 14-18 sem eru í vandræðum og geta ekki búið heima hjá sér lengur. Þetta er vægast sagt áhugavert en mjög erfitt samtímis, það er meira en að segja það að komast inn á gafl hjá þessum elskum. Sem er ekkert skrítið við miðað við hvernig þeirra bakgrunnur er. Ég er að vona að ég fái puttana í einhver af þeim í næstu viku. Starfsfólkið er frábært og hefur tekið mjög vel á móti mér.
Minn heittelskaði skrapp til Belgíu í gær á ráðstefnu og ég fékk mér au-pair yfir helgina. Tengdó Sigrún bauð sig fram í jobbið og er búin að standa sig eins og hetja, hún eldaði hvítlaukssúpu(bara 40 hvítlauksgeirar,jummí),geðveikt góð. Við erum vel varin fyrir vampírum og kvefpestum næsta mánuðinn.

Allt að gerast!

2009-04-13T12:30:00.000-07:00

Ég og erfinginn erum nýkomin frá klakanum þar sem við dvöldum í góðu yfirlæti hjá afa og ömmu. Við neituðum að fara heim fyrr en við höfðum étið þau út á gaddinn(og tókst nokkuð vel til).
Aðalslúðrið er að það er annar erfingi á leiðinni í október, okkur finnst sá fyrsti það vel heppnaður að við leggjum í annan. Og svo finnst okkur mikilvægt að vinna keppnina um hver kemur með flest barnabörnin.
Minn heittelskaði er hæstánægður í vinnunni sinni og það er svo mikil antikreppa hér á heimilinu að við skelltum okkur á glænýjan(næstum því)Skoda Fabia greenline combi. Minn heittelskaði keyrir um með sælubros á vör alla daga. Einnig var fjárfest í fartölvu svo að maður geti nú verið á netinu á dollunni og uppí sófa.
Ég er að slá í gegn í skólanum, fékk 12 í fæðingarfræðslunni og er núna löggildur fæðingarfræðslu og eftirfæðingarkennari. Vorið er mætt í Danaveldi og lífið er gott.

LopapeysuLeó!

2009-04-13T05:43:00.000-07:00

þolinmæði hvað

2009-02-16T23:32:00.000-08:00

Við eldamennskuna í gærkvöldi var tekinn stór feill á cayennepipar og paprikudufti, þetta fína lífræna spaghetti bolognese breyttist í mega sterkt chili con carne, gífurlegt svekkelsi. Mér fannst líka eitthvað skrýtin lykt af kjötsósunni en ég er með dáldið ringlað þefskyn vegna of mikillar horframleiðslu. Er ennþá með flensu, er á degi 11 og er að verða nett geðveik á því að vera heima hjá mér. Fór til læknis í gær ,vongóð um einhverja skyndilausn í pilluformi en nei! Var send heim og sagt að vera þolinmóð .GGGRRRRRRRRRR!!

Bio sem annar terrorismi!

2009-02-14T00:24:00.000-08:00

Hér á bæ hafa verið mega veikindi i tvær vikur, hann sonur minn fann einhverja ofurflensu á leikskólanum og tók með sér heim. Sem nota bene hann var fljótur að hrista af sér en móðir hans er ennþá nær dauða en lífi. Hver þarf miltisbrand eða eitthvað annað hvítt duft í umslögum þegar maður getur bara heimsótt næsta leikskóla! Verð að senda Obama póst og stinga upp á því að breyta Guantanamo í leikskóla, meira en nóg refsing þar!
Talandi um leikskóla þá er íslensk pólitík einmitt á því leveli, sérstaklega fráfarandi stjórn. Sjálfselskuflokkurinn nötrar af gremju yfir því vinir og frændur missi vinnuna og gerir Alþingi óstarfhæft með barnaskap og framíköllum. Dabbi 5 ára er búinn að læsa sig inní Seðlabankaturninum og ætlar sko ekki að gera það sem Jóhanna og þjóðin vill. Það hefði kannski virkað betur ef Jóhanna hefði boðið honum æviráðningu þá hefði hann sagt af sér med det samme. Þvermóðskan í kallinum, hann fattar ekki alveg að hans tími er kominn til að fara.
Svo er það Geir Harði í Hard Talk á BBC, þvílíkt vandræðalegt maður. Hann ætlar ekki viðurkenna að hann hafi gert neitt rangt og biðjast fyrirgefingar á neinu fyrr en opinberri rannsókn á málinu er lokið. Sem þýðir að hann veit alveg að hann klúðraði þessu en hann vill fyrst sjá hversu miklu þeir ná að sanna á hann áður en hann segir að hann sé sorrí. Óþarfi að segja fyrirgefðu fyrir meira en maður þarf!!!
Rosalega væri nú gaman ef pólitíkusarnir færu nú að gera eitthvað fyrir þjóðina í staðinn fyrir að hugsa um rassgatið á sjálfum sér.

2009-02-06T00:12:00.000-08:00

kagginn

2009-01-31T23:42:00.000-08:00

Velgengni

2009-01-28T05:55:00.000-08:00

Success fjölskyldan.....
Búið aðlaga barnið, maðurinn kominn með nýja vinnnu og byrjar á mánudaginn, erum að kaupa bíl,antisportistinn ég náði leikfimikennaraprófinu í morgun .... Híhí´hí.
Þokkalega að meika það maður!!

æl!!

2009-01-06T11:01:00.000-08:00

Við erum mætt aftur til flata landsins, þetta byrjaði gæfulega hjá okkur. Minn heittelskaði braut lykilinn í skránni þannig að það þurfti að hringja í lásasmið. Við komumst inn í íbúðina á miðnætti og svo var skóli daginn eftir,not very nice. Þetta er bölvað fyrirhyggjuleysi að hafa ekki komið heim einum degi fyrr svo að maður næði að chilla aðeins heima hjá sér áður. Eitthvað fannst mér lendingin hörð í þetta skiptið í dönskum og skítköldum raunveruleika. Ég átti dáldið skrýtna ferð til klakans í þetta skiptið, var að farast úr föðurlandsást og aðdáun. Því meira krepputal, því heitari varð ég fyrir því að flytja heim. Þetta er eitthvað sadó/masó við þetta, einmitt þegar landið er komið á hausinn og ekki einu sinni Pólverjarnir nenna að búa þar lengur, þá langar mig af stað.
Fyrsta vikan hér er búin að líða í skólastressi og ælupestum. Erfinginn reið á vaðið og svo tók húsfreyjan við. Minn heittelskaði slapp að mestu en ákvað að taka meðvirknina á þetta og vera smá illt í maganum í tvo daga. Alltaf þegar ég fæ ælupest þá langar mig að hengja mig til að enda þjáninguna,I dont know why. Væri frekar til í að vera brotin á öllum en að æla í 12 tíma. Ég íhugaði líka um tíma ,að fæða barn er bara nice miðað við að vera ælandi stanslaust.
Erfinginn átti sinn fyrsta vinnudag í dag, hann skrapp á leikskólann í smástund og fílaði sig ágætlega. Greyið fattar ekki að nú er hann kominn ínn í kerfið og sleppur ekki út aftur fyrr en hann er útskrifaður úr menntó. Stofnunin virkaði eins og ágætis geymslustaður fyrir barnið mitt, fínn pædagog og allt það.
Ég gerði dáldið merkilegt í dag, fór á bókasafnið og lærði. Það var mjög hressandi, verð að gera þetta oftar. Ég hef tekið ákvörðun um að breyta nokkrum hlutum í mínu fari sem gera mér lífið frekar erfitt t.d skipulagsleysið. Ég byrjaði á að hreinsa inboxið hjá mér,núna eru 0 mails í inboxinu og þannig verður það. Ég er búin að gera framkvæmdarplan fyrir vikuna og hef framkvæmdafélaga sem ég hringi í tvisvar í viku. Ekkert rugl!!!
Fann þessa skemmtilegu kreppubloggsíðu um daginn.
Viva la revolucion!!

Mæðgin

2008-12-06T07:54:00.000-08:00

Leó smiður!

2008-12-06T07:16:00.000-08:00

Bad hairday!

2008-12-06T07:13:00.000-08:00

Fyrsti snjórinn

2008-11-28T01:04:00.000-08:00

jólahvað!

2008-11-19T06:55:00.000-08:00

19.11.2008
Leó þakkar fyrir allar afmæliskveðjurnar, hann fékk afmælisrúnstykki í morgunmat og var alsæll með það. En hann er ekki alveg búinn að fatta þetta með afmælispakka, umbúðirnar eru ennþá áhugaverðari en innihaldið.
28.11.2008
Þá er búið að halda barnaafmæli með hnallþórum og öllu tilheyrandi. Afi, amma,móðursystir og frændinn komu seinustu helgi í tilefni dagsins. Amma hristi þessa svakalegu góðu rækjubrauðtertu(nb með sérinnfluttu Gunnarsmajónesi) fram úr erminni sem sá og sigraði. Fullorðna fólkið var hæstánægt með daginn en afmælisbarnið var ekki alveg að fíla þetta. Fyrir það fyrsta var fullt af fólki sem hann þekkti ekki neitt og svo vildi liðið syngja fyrir hann. Þá fór hann bara að hágráta yfir allri þessari athygli(og kannski vegna þess hversu illa var sungið, maður veit ekki) og fúlsaði við afmæliskökunni líka. En pakkarnir voru ágætlega áhugaverðir, sérstaklega skrautið. Leó þakkar kærlega fyrir allar gjafirnar.
Það var farið í jólatívolí og flóamarkað með stórfamilíunni og svo var kappát frá fimmtudegi til sunnudags. Eins og ég hef minnst á áður þá fylgir því ákveðin þyngdaraukning þegar fjölskyldan mín kemur saman.
Það er búið að flytja, selja og koma sér fyrir í nýju íbúðinni. Nýja íbúðin er hlý og góð. Ég er ekki alveg að nenna skólanum þessa dagana, verkefni á verkefni ofan en þetta reddast einhvern vegninn. Minn heittelskaði er ennþá í feðraorlofi og verður til 1.febrúar. Við erum búin að fá leikskólapláss 15.jan, við fengum ekki það sem við báðum um en við fengum samt það sem við vildum. Við erum bara komin í hið mesta jólastuð og hlökkum til að sjá ykkur öll um jólin.
knús

Leó afmælisbarn!

2008-11-19T06:53:00.000-08:00

Svei mér þá!

2008-10-09T14:54:00.000-07:00

Mbl.is hefur verið spennandi lesning undanfarið, þjóðarskútan sigld í strand og allt í steik. Landsbankinn ásamt öðrum þjóðnýttur, ekki hefði ég getað séð þetta fyrir. Ég var nú góður vinur Landsbankans um árabil og styrkti hann vel og mikið í gamla daga. Ég var með góðan yfirdráttarfulltrúa sem ég hringdi í reglulega og taldi trú um að ég þyrfti smá meiri aur. Í þá daga borgaði maður "bara" 12 % í yfirdráttarvexti, sem er nú bara gefins í dag.
Er nú helvíti feginn að hafa ekki yfirdrátt í dag.
Þessi sláturumræða er dáldið skemmtilega á Íslandi, núna talar fólk um að vera heima með fjölskyldunni og taka slátur. Ægilega huggó, kannski fara menn að þæfa ull líka og strokka sitt eigið smjör. Belja og tvær,þrjár rolluskjátur út í garði. En mér er spurn, afhverju gat fólk ekki haft það huggó með fjölskyldunni og reykt hangilæri saman áður en Ísland fór á hausinn?

2008-10-03T11:00:00.000-07:00

Ekki lengi að þessu!

2008-09-28T03:23:00.000-07:00

Það er kominn kaupandi að íbúðinn, þetta tók bara 3 daga en við höldum áfram að sýna íbúðina. Maður veit aldrei hvað gerist nefnilega, þetta er ekki í höfn fyrr en peningarnir eru komnir í bankann. Við hjónin stríluðum okkur upp í gær og skelltum okkur í brúðkaup og erum hálfþunn í dag, þó ekki vegna áfengisdrykkju. Við átum yfir okkur af góðum mat og fengum cola beint í æð, við erum heldur ekki vön að fara svona seint að sofa(00:30). Þetta útstáelsi var í boði ofurbarnapíanna, Betu og Mikkel. Barnið virðist ekki hafa fengið varanleg sálræn mein af pössuninni en við leggjum peninga til hliðar samt sem áður fyrir sálfræðinginn seinna meir. Ef hann tekur ekki skaða af þessu þá kemur bara eitthvað annað seinna:)

Dætur!

2008-09-24T12:44:00.000-07:00

Barnið fer þeim dáldið vel:)

2008-09-24T12:43:00.000-07:00

Gústa frænka og pönnukökurnar!

2008-09-24T12:41:00.000-07:00

slapp við hórdóminn í dag!

2008-09-24T11:53:00.000-07:00

Djöfull er ég ánægð, ég fór til tannlæknis í dag eftir að hafa verið með tannpínu í 3 daga. Ég var þokkalega svartsýn og bjóst við rótarfyllingu með öllu því húllúmhæji og peningaútlátum sem því fylgir. En nei, tannsinn greindi mig með ennis/kinnholusýkingu og sendi mig út með pensilín recept. Mikill léttir að kaupa sýklalyf fyrir 30 kall í staðinn fyrir að borga tannsanum 4000 kall. Núna slepp ég við að tölta niður á Strik og selja mig fyrir tannlæknareikningnum:)
So far,so good með íbúðarsölumál, við settum auglýsingu á netið í gær og það eru 4 búnir hringja,1 búin að skoða og það koma 2 a morgun og 1 á föstudag. Brjálað að gera, hér er auglýsingin á DBA.
Íbúðin sem við flytjum í er leiguíbúð, 2 svefnherbergi , 66 fermetrar,á fyrstu hæð með svölum og risakjallaraherbergi þar sem minn heittelskaði getur dundað sér við smíðar. Ástæðan fyrir að við flytjum er að við fáum mikið stærri svefnherbergi, fáum svalir og það er mjög flott lokað leiksvæði fyrir Leó á milli blokkanna. Hann fær leikfélaga,(engin börn þar sem við erum núna) og svo skemmir það ekki fyrir að við spörum 2000 kall í húsaleigu á mánuði. Not bad!
Nýja íbúðin er hér,.
Við búum á Stellavej þannig að þið sjáið að við flytjum ekki langt.

Vi flytter,jú!

2008-09-24T03:29:00.000-07:00

Við erum opinberlega komin inn á leigumarkaðinn, kommúnan góða reddaði okkur íbúð sem er stærri,ódýrari og barnvænni. Við flytjum þann 15.október, mjög mikil snilld. Nú vantar bara að
selja andelsíbúðina okkar sem verður vonandi ekkert mál. Almættið reddar því:)
adios

bla

2008-09-07T02:34:00.000-07:00

Hér er allt að gerast, mamman byrjuð að vinna og komin í skólann aftur og pabbinn orðinn heimavinnandi húsfaðir.
Skólinn er algjört æði og heimavinnandi húsfaðirinn slær mig út í heimilisverkunum þannig að þetta er ekkert nema hamingja. Leó stendur upp út um allar trissur og blóm og bækur eiga fótum fjör að launa undan honum. Hann fékk fyrstu pönnukökuna með rjóma í gær og rann hún vel niður. Við fengum Ævar, Guggu og Jakob í heimsókn í gær og prufukeyrðum pönnukökupönnuna af því tilefni. Ég gerði þær meira að segja úr spelti.
Heimavinnandi húsfaðirinn er mjög skipulagður gæi og fer með Leó í eitthvað activity á hverjum degi. Það er farið í sund og leikstofur út um víðan völl á virkum dögum.
Ég er byrjuð á mínu vanalega krosssaumsstússi(hvað eru eiginlega mörg s í þessu orði?)Metnaðurinn er aðeins meiri en venjulega, ég er að gera jóladagatal handa Leó. Ég stofnaði saumaklúbb í ágúst og við erum búnar að hittast tvisvar og það lítur vel út með framhaldið.
Markmið vetrarins er að læra að prjóna ullarsokka.
over and out

Leó út á landi!

2008-08-22T07:52:00.000-07:00

íkon

2008-08-13T11:06:00.000-07:00

Ég skrapp í Marmor kirkjuna í dag sem er mín uppáhaldskirkja í Köben, það er svo góð stemmning í henni, ég þarf bara að sitja þar inni í svona korter til að hlaða batteríin og þá er ég eins og nýsleginn túskildingur. Ég var heppin í dag, það var listasýning á efri hæðinni í dag, kona sem málar íkona. Íkonar eru kristileg málverk sem eru máluð aftur og aftur alveg eins, alltaf verið að kópera originalinn sem Lúkas átti að hafa málað. Það er dáldið flippað að þetta málverk af Maríu og Jesú hafi verið eins í árhundruðir og það er kannski sjens að hún hafi litið svona út. Þessi íkon var allaveganna mitt uppáhald.

Heyrist bank=Argggh

2008-08-12T01:27:00.000-07:00

Hann sonur minn minnir mig á þetta lag með póstinum páli. Hann er byrjaður að standa upp og bankar húsgögn og gólfin til skiptis. Það er búið að loka inn í eldhús eftir að hann stóð upp við ofninn og bankaði hann að sjálfsögðu á leiðinni niður með hausnum. Hann klemmdi á sér puttana tvisvar sama daginn á sömu skúffunni(bara svo að hann myndi það örugglega næst:).
Hann virðist ekkert ætla að skríða almennilega fyrst, hann er ennþá að hífa sig áfram á höndunum.
Ég finn allavegana að gráu hárunum fjölgar hraðar en áður,ég er farin að sakna þeirra góðu gömlu daga þegar hann lá kjurr þar sem ég setti hann.
Ég var hjá einni eldri dömu í vinnunni um daginn sem er 99 ára og eldhress á alla kanta. Hún á engin börn, ég hef oft rekist á það í vinnunni að þær konur sem eignast ekki börn ná mjög háum aldri og eru mjög hressar líkamlega. Ætli barneignirnar slíti konur það mikið niður að það taki einhver ár af ævi þeirra? Í gamla daga þegar konur áttu mikið fleiri börn þá var meðalaldur þeirra ekki hár, kannski milli fertugs og fimmtugs. En það hélst reyndar í hendur með miklu striti, lélegri næringu og takmarkaðri læknishjálp. En hver veit?

Gestagangur!

2008-08-08T07:25:00.000-07:00

Hér á bæ hefur ekki gefist tími til að blogga neitt af viti vegna gestagangs, við fengum þrjú holl í júlí og ágúst. Erna og Ólinn voru fyrst á sviðið ,svo kom Bent. Þar á eftir kom mútta og svo tóku Max-píurnar og powershoppararnir,Sigga og Sólrún við. Þetta hefur verið gífurlega huggulegt og gaman að fjölskylda og vinir láta sig hafa það að sofa í stofunni hjá okkur. Það er búið að fara í dýragarðinn, Bakken og ýmsar aðrar bæjarferðir og étið eins og svín aðallega. Ég stofnaði íslenskan saumaklúbb hérna í Köben fyrir stuttu og stofnfundurinn var í seinustu viku. Ég var svo heppin að ég hafði fulltrúa frá upprunalega saumaklúbbnum mínum frá klakanum, siggu og sólrúnu mér til halds og trausts. Þær sáu til þess að þetta færi nú allt vel fram.
Minn heittelskaði er kominn í hálfs árs frí og það er algjört æði. Ég hef getað unnið aðeins í heimahjúkruninni og það er gott að komast út meðal fólks aftur. Það eru tvær vikur í skólann og ég hlakka mikið til, meira segja verður heimalærdómurinn bara hressandi. Við hjónin ætlum að leika túrista í Kaupmannahöfn þangað til.

Þreyttari!

2008-07-24T01:17:00.001-07:00

Þreyttur!

2008-07-24T01:17:00.000-07:00

Sæti

2008-07-24T01:15:00.000-07:00

Nýja klippingin

2008-07-24T01:14:00.001-07:00

ó nei!

2008-07-24T01:14:00.000-07:00

Frændur!

2008-07-24T01:10:00.000-07:00

update

2008-07-20T01:38:00.000-07:00

Við familían erum nýkomin úr bústað, við fengum að lána bústað og bíl hjá tengdó og erum búin að vera þar í góðu yfirlæti. Við náðum meðal annars að grilla 6 daga í röð og stunda regluleg sjóböð en ég missti dáldið áhugann eftir að marglitta gerðist aðeins of ástleitin og brenndi mig á löppunum. Það er helvíti vont!
Við vorum með gesti í mat í gær og af því tilefni gerði ég hnetusteik a la grænn kostur. Hún var mjög góð en tók yfir tvo tíma að búa hana til og notaði öll áhöld og tæki sem ég átti. Eldhúsið var eins og eftir loftárás. Ég skil alveg afhverju þetta er jólaréttur hjá grænmetisætum, það nennir enginn að standa í þessu oftar en einu sinni á ári
Erna systir og Ólinn koma til baunaveldis á morgun yeahhh!

Oj!!

2008-07-03T14:01:00.000-07:00

Ég er búinn að finna síðu með ókeypis heimildarmyndum(http://freedocumentaries.org/) og þar er ýmislegt í boði. Asninn ég gat ekki látið það vera og fór að horfa á mynd (hún heitir Earthlings )um hvernig við förum með dýr, bæði með gæludýr og dýr sem við ræktum til matar. Ég horfði á hálftíma af henni og mér er óglatt. Þetta er svo ótrúlegt að ég geti farið útí búð og keypt kjúkling og nautakjöt og liðið vel með það . En svo sé ég nokkrar sláturhússenur og ég skammast mín fyrir að vera hluti af mannkyninu. Ég held að ef við gerðum okkur virkilega grein fyrir hvað kemur fyrir dýrið áður en það ratar í plastbakkann sem ég kaupi á góðum díl úti í Nettó þá værum við öll grænmetisætur.

Arghh!

2008-06-30T13:01:00.000-07:00

Namm!

2008-06-30T12:59:00.000-07:00

Enlig mor!

2008-06-30T12:46:00.000-07:00

Ég er einleg móðir þessa vikuna, minn heittelskaði fór í sumarbúðir með börnin og kemur ekki fyrr en á föstudag. Ég og júníor erum búin að vera eiturhress í dag, fórum á útsölu í Baby Sam og svo kom hann með mér á snyrtistofuna og fylgdist athugull með fegrunaraðgerðunum.
Multitaskið klikkaði eitthvað hjá mér í dag því að ég setti laukinn í frystinn í staðinn fyrir vorrúllurnar og brenndi grænmetismaukið hans júníor meðan ég baðaði hann. En ting av gangen maður!
Júníor lýsir núna frati á að liggja í balanum í baði, núna vill hann bara sitja og helst klifra upp úr. Ég á eftir að vakna einhvern daginn og þá er hann búinn að klifra upp úr rúminu og elda handa mér ommilettu. Ég sé þetta alveg fyrir mér!

Kúbudeilan!

2008-06-29T07:15:00.000-07:00

Ég á í milliríkjadeilu við Bandaríkin(sem þau vita ekki af og er sléttsama um). Þeir gleymdu að fjarlægja einhverjar græna miða úr vegabréfunum okkar á leiðinni heim frá Minneapolis sem eiga að sanna að við fórum örugglega úr landi. Ef þeir fá ekki þessa miðadruslur og önnur undarleg gögn innan 3 mánaða þá komumst við ekki inn í USA aftur án vegabréfsáritunar. Við þurfum að senda þeim miðahelvítin, boarding passa sem við eigum ekki lengur,ljósrit af vegabréfum, launaseðlum, útprentun úr heimabanka og kreditkortakvittun sem "eiga" að sanna að við séum ekki lengur í landinu. Allt þetta eigum við að senda til Kentucky og svo hugsa þeir málið í 4 mánuði og svo megum við náðarsamlegast hafa samband og vita hvort allt sé í gúddí!!
Við hringdum í sendiráðið og spurðum hvort við mættum ekki mæta niður í sendiráðið og skila miðadjöflunum þar, það ætti nú að vera næg sönnun fyrir því að við erum ekki í USA en neibbs!
Það er meira en freistandi að senda þeim umslag með spelti í með í pakkanum svona til að fokka aðeins í þeim. Þannig kæmumst við allavegana til Bandaríkjanna með hraði,við yrðum framseld sem danska Bin Laden fólkið og látin dúsa í Guantanamo næstu 10 árin. Þar á víst að vera heitt og gott! Við gætum frætt þá um muninn á hvítu hveiti og spelti.
Ég er farin að sjá eftir að að hafa styrkt bandarískt hagkerfi svona mikið í verslunarferðinni í maí, þá hafa þeir peninga til að styrkja svona ruglstofnanir í Kentucky.

Sætastur!

2008-06-24T01:31:00.000-07:00

Andleysi

2008-06-23T02:57:00.000-07:00

Hér er stella roligt eins maður segir á baunamálinu. Júníor skallar húsgögn af miklum áhuga og fékk fyrstu kúluna í morgun. Hann sprellast út um öll gólf núna og er ekki lengur hægt að ganga að honum vísum á þeim stað sem maður lagði hann seinast á. Fór til Lóu og Ingó á föstudaginn og bakaði pönnukökur þar sem Lóa er eini ættingi minn í Danmörku sem á íslenska pönnukökupönnu. Sem ég gleymi alltaf að kaupa þegar ég er á Íslandi.
Júníor svaf alla nóttina í nótt og þá meina ég alla nóttina án þess að það heyrðist múkk í mínum. Svo var vaknað kl 6 borðað og sofið meira til 9. Guð hjálpi mér hvað það er gott að sofa loksins almennilega. Það er svo gott að sofa að það er mjög undarlegt að það sé ókeypis.
Ég er nýsleginn túskildingur x 10 í dag og til í allt, meira segja hlakka til kúkableyjunnar sem bíður ilmandi.
Adios!!

Ég elska sveskjumauk!

2008-06-21T03:31:00.000-07:00

Þrenningin

2008-06-12T01:51:00.001-07:00

Leóli!

2008-06-12T01:50:00.000-07:00

mamman og ólinn í heimaprjónaða skírnarkjólnum

2008-06-12T01:48:00.000-07:00

Sæta nýgifta fólkið!

2008-06-12T01:47:00.000-07:00

bloggití,bloggití

2008-06-12T01:12:00.000-07:00

Danska sumarið er í full swing með tilheyrandi hita, ég kom frá 15 gráðum á klakanum í 27 gráður hér. Mig langaði eiginlega bara að snúa við á flugvellinum en nú er ég búin að venjast þessu. Ég fíla reyndar íslenskt sumar með rigningu og roki og svo framvegis, það hentar betur mínum húðlit, núna er ég hvítasta manneskjan í Danmörku. Sem ég er stolt af.
Anders grætur af gleði á hverjum degi af einskæru þakklæti yfir að fá okkur heim,sérstaklega klukkan hálfsjö á morgnana....híhí. Ég á inni að sofa út í 11 daga, ágætis líf!
Það var stutt á milli stórræðanna í þessari Íslandsferð. Litli systursonur minn var skírður Óli Jökull Bentsson, eftir að hún systir mín var búin að sverja upp á 10 fingur að það yrði ekki skírt eftir neinum í fjölskyldunni, þvílíkt og annað eins. Ég og Beta áttum það svo sem skilið því að við fiskuðum dáldið grimmt eftir nafninu dagana fyrir athöfnina. Okkar gisk var Kyndill Jökull Fannar Snær Polaris Bentsson þannig að við náðum einu nafni rétt. Við vissum að sleðakappinn gæti ekki staðist það að hafa eitthvað kalt og hvítt í nafninu.
Þegar búið var að skíra, kom einhver ókyrrð í foreldrana og skokkuðu upp að altari og presturinn pússaði þau saman öllum að óvörum. Ég hefði viljað hafa mynd af familíunni á því augnabliki með stór augu og kjálkinn í gólfinu. Mjög fyndið:)
Þannig að nú eru Erna og Bent orðin lögleg, kominn tími til af því að þau eru búin að lifa í synd í 12 ár!

Gleðilegt eurovision!

2008-05-24T13:54:00.000-07:00

Eurovision er alltaf hin besta skemmtun, það er reyndar óvenju mikið af frambærilegum lögum í keppninni í þetta skiptið, ég hef ekki græna glóru hvaða lag það ætti að vera sem vinnur. Ísland stóð sig vel, það er gaman að komast upp úr forkeppninni til tilbreytingar. Mér finnst franska og spænska lagið mjög skemmtilegt en ég er mest skotinn í norsku dömunni. Flott lag og hún er með mjaðmir, annað en hinar tannstönglastelpurnar í stuttu kjólunum sínum. Þegar maður þarf að láta vaxa bikinilínuna fyrir kjólinn þá þarf maður að íhuga fatavalið upp á nýtt.
By the way heimasíminn dó í dag þannig að það þýðir ekkert að hringja

Nýjasti snúllinn í fjölskyldunni!

2008-05-20T08:07:00.000-07:00

fráhvörf

2008-05-20T07:52:00.000-07:00

Ég er í bullandi félagslegum fráhvörfum, Anders farinn að vinna og enginn til að tala við(Leó er nú mjög skemmtilegur en frekar orðfár enn sem komið er). Ég var að fatta að ég hef ekki verið ein í mánuð, sem betur fer komu Inga frænka og Beggi við í hádeginu og buðu mér uppá kaffibolla annars hefði þetta farið illa. Haldiði ekki að Inga hafi svo fundið tönn í barninu sem foreldrarnir voru bara ekkert búnir að taka eftir. Þannig að fyrsta tönnin er á leiðinni upp, duglegur drengurinn! Skemmtilegt að fá gesti í heimsókn sem finna tennur í börnum. Meira af þessu, takk:)
Guðmunda og Stebbi voru að eignast einn ljósengillinn í viðbót aðfaranótt mánudags, innilega til hamingju með það:)
Þeir sem vilja sjá myndir úr Usa túrnum sendið mér meil á asdiso@hotmail.com og ég sendi ykkur link um hæl.

ammili!

2008-05-19T03:28:00.000-07:00

Hann Leó minn er 6 mánaða í dag, þótt ótrúlegt sé. Við erum komin heim, það er gott að sofa í sínu eigin rúmi og borða rúgbrauð aftur(þó ekki saman). Þetta var 14 tíma ferðalag og reyndi á vegna þess að ég og Leó lágum í flensu. Leó er orðinn hitalaus og hress en ég er að drepast ennþá. Ég ætti kannski að prófa fljótandi fæði eins og hann er á.
Það var reyndar skrýtið að lenda í Leifsstöð og fljúga síðan áfram. Maður er nú vanur að stoppa eitthvað en það geri ég í næstu viku. Ég kem á miðvikudaginn 28. og verð til 9. júní. Það á að skíra nýjasta barnið og þar læt ég mig ekki vanta. Þannig að Leó verður rétt kominn í gír svefnlega séð þegar ég ríf hann af stað aftur og rugla aðeins meira í honum. En börnin eru víst til þess að rugla í þeim.

út að keyra!

2008-05-19T03:26:00.000-07:00

töffari!

2008-05-19T03:25:00.000-07:00

Leó og kærastan

2008-05-19T03:23:00.000-07:00

2008-05-19T03:22:00.000-07:00

Minnesota nice!

2008-05-15T06:45:00.000-07:00

Núna fer að líða að lokum ferðarinnar, við fljúgum heim á laugardagskvöldið. Við höfum spilað Settlers af miklum krafti í þessari viku(Kort hjónin kynntu okkur fyrir þessari hættulegu fíkn á sínum tíma) og fyrir kurteisis sakir höfum við hjónin tapað alla vikuna. Við viljum byggja þau upp áður en við förum að taka á þeim af einhverju viti:). Það er búið að vera yndislegt að vera hérna og Minnesota er alveg frábært fylki, hér gæti ég sko búið. Við fórum í smá bíltúr í gær til Stillwater sem er lítill,krúttlegur bær við Missisippi ána í 20 stiga hita og nutum lífsins. Það sem kemur mér mest á óvart við þessa ferð er hvað Kanarnir eru svínslega kurteisir, vinalegir og hjálpsamir. Þeir eru ótrúlegir, þeir segja how are you doing today? í súpermarkaðnum og meina það. Ég varð dáldið hvumsa fyrst yfir svona persónulegri spurningu og hvað ég átti eiginlega að segja en núna er ég sjóuð í þessu og spyr meira segja til baka. Maður er heppinn ef þeir segja hæ á Íslandi. Ég var úti að hjóla um daginn og stoppaði á gatnamótum til að kíkja á kort, það stoppaði maður bílinn sinn og hoppaði útúr honum af einskærri gleði yfir að fá að hjálpa mér að rata þangað sem ég var að fara og hvernig ég ætti svo að komast heim. Ég labbaði fram hjá smurstöð um daginn með Leó og það var einn gaur að vinna fyrir utan , og það var að sjálfsögðu, how are you doing today?. Þeir heilsa ókunnugu fólki, mjög skemmtilegt. Gísli sagði mér reyndar að í Minnesota þá eru þeir ekstra friendly af einhverjum ástæðum. Það hlýtur að vera eitthvað í vatninu.

All you can eat

2008-05-13T17:57:00.000-07:00

Haldið ekki að mín hafi farið út að hlaupa í dag, og ástæðan var einfaldlega sú að ég var búin að kaupa nýtt hlaupasett og nýja hlaupaskó. Ég var búin að reikna það út að ég eyddi nógu miklum peningum í nýtt hlaupadót þá þyrfti ég að fara og það reyndist raunin. Auja dró mig hringinn í kringum vatnið, ég náði tæpum 2 k sem er nokkuð gott miðað við að ég hef ekki hlaupið nokkurn skapaðann hlut í nokkur ár. Það var líka stigið á vigtina og ástandið var ekki eins slæmt og ég hélt miðað við óheilsusamlegt líferni undanfarinn mánuð. En ég ætla að fara á vigtina þegar ég kem heim svo ég geti tilkynnt réttar tölur. Leó er farinn að fá graut og líkar alltí lagi, held að hann sjái ekki alveg tilganginn með þessu, brjóst er mikið hentugra. Við hjónin fórum á deit í gær og fórum á all you can eat sushi stað. Þar sest maður fyrir framan barborð og svo flýtur sushiið framhjá manni í litlum bátum og svo treður maður í andlitið á sér. Svona all you can eat er ekki sniðugt, við gátum varla labbað útaf staðnum vegna græðgi

Ágústa snúlla

2008-05-10T20:18:00.000-07:00

Minneapolis

2008-05-10T19:38:00.000-07:00

Ég hef ekki komist til ad blogga vegna alvarlegrar verslunaráráttu, en bankareikningurinn er ad tæmast,þannig ad við verðum ad hætta bráðum. Hér er allt stjarnfræðilega ódýrt og maður er alltaf ad gera geðveikan díl að manni finnst sjálfum allaveganna. Við erum í góðu yfirlæti hjá Kort hjónunum og við erum búin að finna konu handa Leó. Þau eiga litla 9 mánaða snúllu sem heitir Ágústa sem okkur líst nokkuð vel sem tengdadóttur.
Við erum búin að skemmta okkur konunglega, Minneapolis er alveg frábær borg, með stöðuvötnum og flottum görðum. Við fórum á háameríska háskólaútskrift sem var rosa gaman, þau sýndu okkur Campusinn og það er alveg greinilegt að háskólinn hefur aðeins meiri peninga milli handanna en á Íslandi. Enda er háskólinn í Minnesota,sá annar stærsti í landinu með 45.000 nemendum og sitt eigið lögreglulið. Við fórum á brasilískt steikhús í vikunni sem var alveg magnað, það labba um 10 þjónar með allar tegundir af kjöti á spjótum og svo er maður með spjald sem maður snýr við og þá koma þeir hlaupandi í unnvörpum og bjóða manni. Alveg geggjað, bara 6 mismunandi tegundir af nautakjöti, kjúlli, svín,lamb og pulsur. Geðveikt gott, besta nautakjöt sem ég hef fengið og það verður erfitt að toppa þetta.
Leó er eiturhress, er farinn að snúa sér á magann, þvílík læti!

Akron

2008-05-06T10:26:00.000-07:00

Vid lentum i Akron um eftirmiddaginn, Akron er frekar dull baer, astaedan fyrir ad vid keyrum her i gegn er ad husid hans Dr.Bob(annar AA guru) er herna og Anders langar ad kikja a thad. Vid fengum alveg frikad hotelherbergi, af einhverjum astaedum vorum vid upgraded i executive suite. Hotelherbergid var jafn stort og ibudin okkar heima med stofu og alles. Hotelid var gomul verksmidja og their gerdu herbergi i gomlu silounum thannig ad oll herbergin eru kringlott. Og svo var rumid ekki af verri endanum. Vid hjonin voru sammala um ad naesta rum verdur king size. Vid hugsudum okkur lika gott til glodarinnar af thvi ad morgunmaturinn atti ad vera hot buffet og vid saum fyrir okkur egg og beikon og svoleidis gummeladi. En nei, thvilik vonbrigdi, thad var hafragrautur og sweet biscuits med gravy, algjor vidbjodur. Vid erum opinberlega buin ad gefast upp hotelmorgunmat i Amerikunni. Daginn eftir skrapp Anders til Dr. Bob og eg huggadi mer a kaffihusi thar sem maturinn var bara mjog godur, vid vorum mjog hissa. Kaffihusid hafdi mjog fallegt nafn Angel Falls og thjonarnir voru allir haltir.

2.mai

2008-05-03T06:56:00.002-07:00

Leo fekk morgunsundsprett i pottinum og fannst thad hin besta skemmtun. Sidan forum vid i dyragardinn og thar voru ljon, tigrisdyr,birnir, apar og margt fleira. Dyragardar eru alltaf daldid blendin skemmtun fyrir mig, mer finnst their half sorglegir serstaklega thegar thad eru ljon og tigrisdyr sem eiga engan veginn heima her. Thad a ad senda thessi dyr heim til sin.
Vid keyrdum sidan upp i Laurel Highlands, thar er mjog merkilegt hus arkitekturlega sed sem heitir Falling Water. Thad er byggt ofan a fossi og thad er eins og vatnid komi innan ur husinu. Thad er haegt ad kikja a thad her http://www.paconserve.org. Vid reyndum ad komast inn en thad er bannad bornum innan 6 ara. Eg sa ekki alveg hvad hann Leo minn hefdi att ad gera af ser inn i husinu en svona er thetta. Thannig ad vid kiktum utan a husid i stadinn.
Sidan keyrdum vid til Akron.

1.mai

2008-05-03T06:56:00.001-07:00

Vid svafum i nott i Reading i Pennsylvaniu, vid aetludum ad keyra lengra en meikudum ekki meir. Vid erum buin ad vanmeta adeins thessar vegalengdir sem vid aetludum ad keyra, thetta land er svo helviti stort, thannig ad vid verdum ad skrufa nidur metnadinn adeins.
Eftir undarlegan Continental breakfast tha heldum vid af stad ad kikja a Amish folkid. Mjog skemmtilegt ad sja folk trottandi um sveitirnar i hestvognum med stefnuljosi og allir i eins fotum. Thad eru mjog undarlegar thversagnir i theirra lifsstil, sjonvarp og rafmagn er bannad en ma nota vasareikni, ma ekki eiga bil en thad ma leigja hann odru hvoru. Simi er bannadur inn i husinu en hann ma vera ut a veg. Their verda nota hesta ut a okrunum en mega hengja nytisku landbunadargraeju aftan i tha. Very strange. Vid forum svo i nokkrar minjagripabudir og fengum svo alveg skelfilegan hadegismat. Vid hofum reyndar upplifad hvad eftir annad vondan mat i thessari ferd. Thad er haegt ad fa skyndibita i ollum staerdum og gerdum en thad er erfitt ad finna almennilegan mat. Eini godi maturinn sem vid hofum fengid var a indverskum veitingastad i Mount Kisco. Thad er lika erfitt ad finna eitthvad almennilegt i supermorkudum(fyrir mig en eg er picky), braudid er vidbjodur,kjotid er undarlegt, allar mjolkurvorur disaetar og e-efni daudans allsstadar. Thad er ekki skrytid ad Kanar seu yfirleitt vannaerdir/feitir. Thad tharf einhver ad taka sig til og flytja inn Sollu i Graenum Kosti og lata hana predika yfir lydnum.
Vid keyrdum fra Amish Country nordur til Pittsburgh og akvadum ad keyra sveitavegi i stadinn fyrir hradbrautina. Thad var otrulega fallegt,skogur, fjoll og kvoldsol. Vid fundum bjalkakofa motel vid hlidina a litlum dyragardi. Vid fengum okkur herbergi med heitum potti. Potturinn er 1.5 metra fra ruminu, mjog fyndid:) Sidan sofnadi madur ut fra ljona og tigrisdyraoskrum.

30.april

2008-05-03T06:56:00.000-07:00

Vid kvoddum Adam og Karry og keyrdum til Stepping Stones(http://www.steppingstones.org/) sem er i uppsveitum New York, husid hans Bill Wilson er mjog huggulegt, vaeri alveg til i ad bua tharna. Minn heittelskadi var svo heppin ad fa einkatur med leidsogukonunni, hopurinn sem pantadi thann daginn aflysti. Hann fekk ad sitja vid bordid thar sem Bill vard edru og sitja vid skrifbordid thar sem hann sat og skrifadi AA bokina og 12 og 12. Eins og thid getid imyndad ykkur tha sveif minn madur af einskaerri gledi eftir thessa heimsokn. Mer fannst thetta svosum agaetlega merkilegt en ekki eins og honum. Sidan brunudu vid sudur a boginn til Pennsylvaniu

Jibbi!!

2008-04-30T06:15:00.000-07:00

Eg er ordin modursystir, Erna atti strak i nott:))))))))
Vid erum ad leggja af stad i the roadtrip. Anders for inn i New York, eg var threytt og atti rolegan dag med Leo heima. New York er heldur ekki serstaklega barnvaen, mjog erfitt ad vera i lestunum med barnavagn til daemis. En New York buar eru mjog kurteisir og hjalpsamir sem kom a ovart. Vid vorum buin ad heyra annad.Eg kem til New York seinna barnlaus. Karry passadi Leo i gaerkvoldi svo vid hjonin komumst a fund sem var algjort aedi. Nuna keyrum vid a aedislega Dodginum okkar upstate New York og heimsaekjum Stepping Stone. Thar atti Bill Wilson stofnandi AA samtakana heima. Eftir thad keyrum vid til York og kikjum a Amish folkid.
ciao

2008-04-28T17:22:00.000-07:00

Baerinn sem vid buum i er eins og snytt ut ur Desperate Housewives, kruttleg hus med verond. Vid erum langt ut i sveit og thad er otrulega fallegt herna. Wal mart var ekkert serlega skemmtilegt, alltof stort og saug ut ur manni alla orku, thad er alveg otrulegt hvad amerikanar eta mikid af crap mat. Oendanlegt frambod af matsolustodum, madur upplifir bullandi valkvida thegar madur tharf ad akveda hvad madur a ad borda. Vid forum inn i New York,alveg svakaleg borg, forum a Greenwich Village og Times Square. Okkur la vid flogaveiki a Times Square, thessi blikkandi auglysingaskilti voru hreinlega othaegileg. Village var mjog huggulegt og ad sjalfsogdu rakumst vid a islending sem thekkti Anders thar a kaffihusi. Madur er hvergi ohultur fyrir samlondum sinum:). Vi sottum bilaleigubilinn i dag og erum a gifurlega toff Dodge Adventure, draumadrossiu. Planid er ad fara aftur inn i New York a morgun og kikja a Central Park og nagrenni

New York,New Jersey

2008-04-26T06:19:00.000-07:00

Tha erum vid maett i Amerikuna, Adam sotti okkur a flugvollinn i gaerkvoldi. Sem betur fer segi eg thvi ad thad er ekkert grin ad komast ut ur JFK. Hann for med okkur i sma sightseeing inn a Manhattan, gedveikt flott ad sja allar thessar byggingar i kvoldsolinni. Mjog frikad ad koma inn a Manhattan thvi ad byggingarnar eru svo haar ad madur faer innilokunartilfinningu, thad eru bara langir gangar ut um allt. En vid konnum New York betur a manudag og thridjudag. Vid erum hja Adam og Karry, thau eiga 3 born og bua i New jersey svona 1.5 tima fra New York. Thau bua thad langt ut i sveit ad thau laesa ekki hurdinni hja ser a nottinni. Thad atti eg ekki von a ad sja i USA. Vid fengum egg og beikon i morgunmat ad sjalfsogdu:) og erum a leidinni i Walmart.

nammnamm!

2008-04-14T13:12:00.000-07:00

Það er kominn ferðahugur á þessum bæ, við komum til Íslands á laugardag og förum til New York þann 25 apríl. Ég hlakka til að fara í saumaklúbbinn minn sem ég hef verið síðan ég var 15 ára held ég. Ég tel mig ennþá vera meðlim þó að ég hafi ekki mætt nema einu sinni til tvisvar á ári síðan ég flutti til Danmerkur. Það er ókostur við Baunalandið að maður kemst ekki í saumaklúbb.Þeir vinir sem maður eignast í grunnskóla eru öðruvísi en vinir sem maður eignast seinna meir. Það er eins og það skipti ekki máli hvort eða hversu lengi maður er í burtu, það er alltaf sama tengingin samt sem áður. Það verður æðislegt að hitta vinkonurnar með börnum og mökum á sunnudaginn, sýna nýjustu afkvæmin og slúðra aðeins. Ég er búin að fá matseðilinn og það eru brauðtertur, heitir réttir, súkkulaðikökur og rice krispies og fullt af öðru gúmmelaði. Mmmm(:

Gæi!

2008-03-18T10:30:00.000-07:00

Netmubla

2008-03-13T11:47:00.000-07:00

http://www.dba.dk/asp/soegning/detail.asp?annonceid=54055964

Í fréttum er þetta helst

2008-03-13T11:33:00.001-07:00

Hér hefur verið mikið líf í tuskunum! Aupair-foreldrarnir eru komnir og farnir, það var alveg svakaleg útskriftarveisla síðustu helgi og svo framleiðis.. Það var gífurlega notalegt að fá afa og ömmu í heimsókn en eini gallinn er að þau eru mjög fitandi í sambúð. Það var bakkelsi á hverjum morgni og veislumatur á hverjum degi, og ekki má gleyma bingókúlunum og lakkrísnum sem rann ljúflega niður. Ég gæti náttúrulega tekið smá ábyrgð á eigin lífi og beðið þau um að koma ekki með nammi næst og við gætum fengið okkur herbalife í morgunmat en neibbs! Kemur ekki til greina! Ég verð bara að massa þetta í ræktinni.
Við hjónin erum með mublumaníu og reyndar líka mjög upptekin af flatskjám. Við skruppum í Ikea í dag og fundum engar mublur sem okkur langaði í en við keyptum bara fullt af barnadóti. Það fer nefnilega að líða að því að Leó töffari fái sitt eigið herbergi. Okkur finnst líka kominn tími til að hann fari nú að taka sig saman í andlitinu og leggi eitthvað til heimilisins svo hann er búinn að fá blaðburðarjobb og byrjar í næsta mánuði. Vinnan göfgar manninn og allt það!
En við hjónin neituðum að játa okkur sigruð í mublunum og keyptum bara mublu á netinu í staðinn..hehehe Ikea hvað!

Hissa!

2008-03-13T11:31:00.001-07:00

Hneyksl!

2008-02-28T01:54:00.000-08:00

Ég var að lesa að hollenskur banki ætli að hætta að gefa börnum sparigrísi því að múslimar eru eitthvað móðgaðir yfir því að þetta er svín. Í alvöru talað!! Hvað kemur næst? Kannski fara kvenkyns starfsmenn bankans að ganga með slæðu í vinnunni af því að múslimar krefjast þess! Þetta er nú meira ruglið. Eins og íslam er nú falleg trú í bókinni þá finnst mér múslimar oft ekki sérlega umburðalyndir gagnvart því að hlutirnir séu öðruvísi í hinum vestræna heimi.

Mamma og múkkinn

2008-02-25T12:00:00.001-08:00